MOOI RIESSEN
Tusken heet en bosch en akker
Tusken 't hoog' en leege laand,
Woer de Oa zoo laankzaam, laankzaam kroonk'lend
Zich nen weg noa 't Noorden baant.
Woer nog zint de vennekoelen
Met de bolnpeters in 't reet,
Woer nog völle völle oolderwets is,
Weer iej woer det is of neet?
Refrein:
Det is in Riessen,
Det oole Riessen.
Het mooiste pleasken oet heel Twentelaand.
In heel groote stén,
Kon'k vaste aalt neet wèn.
Mèr Riessen jonge joa jonge joa jonge joa
Det ligt miej toch zo noa toch zo noa toch zo noa
Noans is 't zoo heelder en zoo frisch
Umdet er meer één Riessen is
Umdet er meer één Riessen is.
Woer het wèwwetöw mèar kleppert
Laandbow en ook haandel bleujt
Woer een nerig ievrig, ievrig volk woont
Aalt in eenvoud op'egreujd
Woer in 'n Esch de rogge golvet
Woer in 'n Mos de beeste weid'
Woer kastanje en de leeneböme
Wied en zied eur geur verspreid!
Refrein:
Woer ook vrömden geane hengoat
Umdet 't is zo'n röstig oord
Woe'j noa nachtegaal en koekoek
Lustern könt zoo ongestoord.
Woer de kikkers in de slöte
Kwaakt eur én en 't zelfde leed
Woer het toch zoo woonder woondermooi is,
Ken iej nog dee strekke neet?
Refrein:
J. H. MEKENKAMP